Fredags morgen fekk eg telefon frå Vegard Hide medan eg satt på skule midt i ei forelesing. Eg var derfor rask med å trykke på avbryt, og skreiv ei melding om at eg satt midt i ei forelesing og at eg kunne ringe på seinare. Då fekk eg melding tilbake: Dykking på Akerendam med ROV! Trenge dej!:). Når det gjeld slike ting er eg ikkje tung og be, så eg treiv tak i sekken min, og gjekk ut av klasserommet for å ringe Vegard. Runde miljøsenter hadde kontakta han og ville ha med seg to dykkera frå klubben til å vise og filme kanonene for NRK.

Dette sa vi selvfølgeleg ja til med ein gong, og det blei klart at både eg, Vegard og Erik Slettebakk skulle vere med dei å dykke saman med ROV'en frå miljøsenteret. Etter eit par intervju og litt filming, så la vi ut frå Runde hamn med båten til Arne Sævik rundt kl. 10.00. Med oss om bord hadde vi blant anna Gry som er programleiar i Schrødingers katt, Arild Marøy Hansen frå Bergen Sjøfartmuseum, May Britt Haukås og Nils Roar Hareide frå milsjøsenteret, og båtførarane Stig Arne og Arne Sævik. Vi sette fyrst kursen mot Våren, som er nokon holmar og skjær nordaust av Runde fyr. Arild frå sjøfartsmuseet meiner at det var her Akerendam fyrst gjekk på grunn før den forliste inne i bukta ved Kvalneset. Her fekk vi beskjed om rigge og ta på oss dykkerutstyret fordi helikopteret frå 62 grader nord var på vei mot oss. Helikopteret sirkla eit par gongar rundt oss og filma når eg hoppa uti for å få litt bilde av det.

Etter at helikopteret meinte dei hadde fått nok film av oss, så sette vi kursen mot Kvalneset og Akerendam. Dreggen blei kasta på rundt 14 meters dybde og vi gjorde oss klare for dykking. Erik Slettebakk sleit med sjøverk, så han måtte kaste inn handkleet og droppe dykkinga. ROV'en gjekk i vatnet fyrst, deretter fylgte eg og Vegard etter. Sikta var fantastisk (sikkert 30 meter), så vi såg kanonene frå overflata før vi gjekk ned. Problemet var at det var veldig mykje drag og enda meir tareskog der nede, så miniubåten sleit med å kome seg fram. Vi reiv vekk tare til den store gullmedalje der nede, slik at det skulle vere lettare å få auge på kanonene. Men ROV'en sleit framleis med og få sett noko som helst av kanonene, delvis på grunn av taren og delvis grunna alt draget som slengte den att og fram. Vi dykka i gode 30 minutt før vi bestemte oss for å gå opp. Dei vinka oss bort til båten og lurte på om vi ikkje kunne ta eit dykk til der vi holdt miniubåten mellom oss og styre den ned mellom tareskogen med avslått motor.

Ti minutt etterpå hadde vi fått skifta flasker, og hoppa uti atter ein gong for å gjere eit nytt forsøk på filming. Vi gjekk ned på same plassen med ROV'en mellom oss, men det endte opp med at eg spaserte på botnen medan eg tviholdt på miniubåten oppe på brystkassa mi. Dette var ikkje like enkelt heile tida, då det av og til kom eit voldsomt drag som flytta oss 4-5 meter på kort tid. Etter litt tid fann eg meg ei god stilling der eg fekk filma stabilt og sakte over to av kanonene, både frå kort og lang avstand. Vi hadde no nok bilde av kanonene og avslutta dykk nummer to etter ca 15 minutt. Gjengen om bord i båten var strålande fornøgde med filminga vi hadde gjort, og båten sette kursen mot Runde miljøsenter igjen. Her fekk vi gleda av å vere nokon av dei fyrste til å sjå den nye utstillinga av Rundeskatten på senteret. Her var massevis av både gull og sølv-myntar utstilt, samt mykje forskjellige gjenstandar som er funne der ute. Dei hadde også bildeframvisning med prosjektor på veggen. To av bilda der har eg tatt, så der står mitt navn og Herøy dykkerklubb under. Alt i alt hadde vi ein super dag saman med NRK og miljøsenteret, og dei vil bruke oss også i framtidige prosjekt. Etter planen skal det vere ei kort reportasje om denne turen på Schrødingers katt like før påske, og ein lengre dokumentar om rundeskatten til hausten. Vi kjeme til å bli vist i programmet, og vi vil få namna våre og Herøy dykkerklubb på rulleteksta. Så dette er god PR for klubben, og ikkje minst artig :)

Poster i forumet: